A danza moverá Ourense co Festival 'Corpo(a)terra'
A.E.
O corpo como expresión e a terra como paixón xurdirá en Ourense entre o 13 e 15 de setembro na segunda edición doFestival 'Corpo(a)terra'. Unha das artes escénicas máis atractivas e máis minorizadas triunfou ano pasado despois da experiencia que aportaron todos os artistas convidados desinteresadamente, a Compañía (e asociación) trasPediante. Marta Alonso e Begoña Cuquejo. Ambas artistas viven por e para a danza. "A danza escolleunos a nós, non nós a ela", recoñece Begoña Cuquejo quen engade que é "toda unha paixón". Desta intensa relación xurden inciativas como a Aula de danza Universitaria ou a propia compañía. "O ano pasado decidimos levar a nosa paixón á rúa, bailar en espazos abertos de Ourense, e funcionou".
A segunda edición de 'Corpo(a)terra', nome escollido polo propio público o ano pasado, terá como punto de inicio a Praza de Santa Eufemia cada día ás 20:00 horas. "Como novidade pensamos integrar a arte antiurbana do artista "Peri" que pintará unha parede de San Cosme", apunta Begoña Cuquejo, "e a ver si coas firmas do público pódese manter a pintura despois do remate do festival".
Catro serán as compañías ourensanas que presentarán espectaculo. Do ano anterior repiten Pisando Ovos, Patricia Varela, Paula Quintas e trasPediante. De fóra actuarán artistas internacionais, como a arxentina Xenia Tartari, as cubanas Entremáns, as madrileñas Almudena Rubiato e Lorena Díaz, e a irlandesa Liadan Herriot. Cun achegamento ao circo participarán Pablo Trasno e Fredi Circanelo e cun sentido máis poético Nonou Edicións.
A segunda edición de 'Corpo(a)terra' terá como punto de inicio a Praza de Santa Eufemia
No hay comentarios:
Publicar un comentario